თბილისის ყოფილმა მერმა გიგი უგულავამ სასჯელაღსრულების დაწესებულება დატოვა, მას შემდეგ, რაც სააპელაციო სასამართლომ „თბილსერვის ჯგუფის“ საქმეზე დედაქალაქის ყოფილი მერის, გიგი უგულავას ადვოკატების სარჩელი ნაწილობრივ დააკმაყოფილა და გიგი უგულავას სასჯელი შეუმცირდა.

მას პატიმრობის ვადად 1 წელი და 9 თვე განესაზღვრა, თუმცა „ამნისტიის შესახებ“ კანონის გათვალისწინებით, საბოლოოდ, 1 წლით, 3 თვითა და 22 დღით თავისუფლების აღკვეთა მიესაჯა.

გიგი უგულავას პატიმრობის ათვლა 2015 წლის 18 სექტემბრიდან მოხდა და დღევანდელი გადაწყვეტილებით, 2017 წლის 9 იანვარს ეწურებოდა.

გათავისუფლების შემდეგ მან მედიასთან განცხადებები გააკეთა.