„დედაენის“ ბაღში ქართველი მუსიკოსის, პოეტისა და შემსრულებლის, ირაკლი ჩარკვიანის სკულპტურული კომპოზიცია გაიხსნება.

თბილისის მერიის ინფორმაციით, სკულპტურა ხმოვან სისტემას ითვალისწინებს, რომელიც კომპოზიციის შემადგენელ ნაწილში - სკამებშია დამონტაჟებული და, მათი საშუალებით, „მეფის“ მუსიკის მოსმენა 24 საათის განმავლობაშია შესაძლებელი.

კომპოზიციის ავტორი, მოქანდაკე ვლადიმერ იმერლიშვილია. პროექტი მერიის დაფინანსებით განხორციელდა.

სკულპტურული კომპოზიცია ხვალ, 18:00 საათზე გაიხსნება.