ზუგდიდის რაიონის სოფელ ჯიხაშკარის №79-ე საარჩევნო უბანში მომხდარ ინცინდენტთან დაკავშირებით, არასამთავრობო ორგანიზაცია „საუნჯის“ წარმომადგენელი იაგო ფასაძე „ინფო 9-სთან“ განმარტებას აკეთებს.

მისი თქმით, სოციალურ-პოლიტიკური გაერთიანების ცენტრის დამფუძნებელი გოჩა რაფავა კაბინაში შევიდა და დააკვირდა, ამომრჩეველი რომელ პოლიტიკურ სუბიექტს აძლევდა ხმას, რითაც ხმის მიცემის ფარულობა უხეშად დაარღვია.

ფასაძის განცხადებით, აღნიშნული ქმედება სისხლის სამართლის კოდექსის 164-ე მუხლით გათვალისწინებული დანაშაულია და ამომრჩევლის ნების თავისუფალი ნების გამოხატვაზე ზეგავლენის ნიშნებს შეიცავს.

დარღვევასთან დაკავშირებით ორგანიზაცია „საუნჯემ“ შესაბამისი საჩივარიც მოამზადა.

ამავე თემაზე: ზუგდიდის 79-ე უბანზე ერთ-ერთ დამკვირვებელს ამომრჩევლისთვის თვალის ჩაკვრის გამო, შენიშვნა მისცეს